Einu sinni er allt fyrst

Jújú, þetta sagðist ég víst aldrei nokkurntíman ætla að gera, þ.e.a.s. að stofna blogg og vera eins og allir hinir sem skrifa þúsundir orða um það eitt hvernig dagurinn þeirra var og hverja þeir hittu.  Og viti menn, það er ekki það sem ég er að fara að gera.  Ég er einfaldlega þreyttur á að hafa skoðanir á málum (og þess má geta að það eru oft skoðanir sem stríða á við almenningsálitið, enda er ég rebel) og geta bara kvartað í 3-4 manna hópum hér og þar.

 Fyrsta færslan mín skal vera tileinkuð dulspeki-áhugamálinu á hugi.is, sem var að taka það upp að ritskoða vegna þess að þau voru að verða sár yfir því að það var alltaf verið að segja þeim að það sem þau trúa á er bull.  Ég  er ekki mikið fyrir að dæma fólk (ath. þetta var lygi.  Get used to it), en ég bara kemst ekki hjá því að hafa óstjórnanlega löngun til að leiðrétta fólk þegar það er að spyrja að segja frá alveg hreint ótrúlegum hlutum sem þau gætu fengið mjög vísindalega útskýringu á með einni einfaldri leit á Wikipedia.  Ég mæli einmitt með að fólk fletti upp "Sleep Paralysis" (sem kallast svefnrofalömun á íslensku).

Það að ritskoða til þess að fólk fái alveg örugglega kolröng svör sem auka hlutfallslega fáfræði í heiminum er röng.  Reyndar er öll ritskoðun röng, en það er annað mál.

 Don't be stupid.  Be informed. 

-G. Styrmir 

Athugasemdir

[Brynjólfur Þorvarðsson, 26.12.2007 kl. 20:16]

Velkominn G. Styrmir

Það er nú hægt að skrifa gáfulega á bloggið líka - eins og sést. Þetta er góður vettvangur fyrir skoðanaskipti og maður æfist í að segja sína skoðun. Sem er alltaf gagnlegt.

Heimska og trúgirni fer ótrúlega oft saman, þeir eru ófáir sem notfæra sér það! Um að gera að reyna að vekja fólk til umhugsunar.