142 orð....

Það er lengdin á þessarri frétt, að fyrirsögninni meðtalinni.  Það þýðir að sá sem skrifaði þetta eyddi þeim tíma sem tekur að skrifa 142 orð af sinni ævi til að segja okkur.....að einhver Völva heldur að þessir atburðir muni gerast?

 Ég get líka alveg komið með helmagnaða spá um næsta ár.  Það gæti jafnvel eitthvað verið til í því.  Flettið upp "cold reading" á Wikipedia, þ.e.a.s. gróf ágiskun, en þó nógu nákvæm til að fólk geti tengt hana einhverjum vissum atburði.  Svipað og aðrir miðlar og þesskonar svindlarar.

 Það eru svona tilgangslausar fréttir sem gefa fólki tilefni til að skrifa algjöra vitleysu.  Það má til að mynda nefna einhvern sem skrifaði einhvern svakalegann dómsdagstexta og notaði tilvitnanir úr Biblíunni sér til halds og trausts.  Ekki það að ég sé eitthvað svakalega ósammála því að heimurinn sé að fara í hundana, við erum víst að standa okkur vel í að kæfa móður jörð í allskonar óþverra.  Aftur á móti skiptir það okkur nú til dags ekki miklu máli hvað gyðingur sem endaði ævina negldur við tré hafði að segja um framtíðina.

Ég held ég vitni frekar í Harry Potter.

 "There is no good or evil: only power and those too weak to seek it." - Quirinus Quirrell
Hver segir að Harry Potter sé ekki ágæt spá fyrir framtíðina ásamt því að vera góður siðaboðskapur? 

Galdramenn eru nú með oddmjóa hatta, ólíkt kristnum.  Take that!

Völvan spáir stjórnarslitum

Jólasveinninn er víst til...

Af öllum hlutum sem ég gæti verið að gera klukkan rúmlega hálf-þrjú á aðfararnótt föstudags er ég að velta því fyrir mér hvað það er sem fær foreldra til að ljúga að börnum sínum til að stjórna þeim og setja svo í lög að það megi ekki segja þeim sannleikann.  Eitthvað finnst mér nú kjánalegt að stjórnvöld í Rússlandi séu að aðstoða foreldra í að ritskoða efni sem fer til barnanna þeirra.  Ég held ég fari bara bráðum á Alþingi og reyni að setja lög þess efnis að allir sem halda því fram í annarra áheyrn að Fljúgandi Spaghettískrímslið (http://en.wikipedia.org/wiki/Flying_spaghetti_monster) sé ekki til skuli sektaðir og jafnvel fangelsaðir.  Ætli þeim sé virkilega alvara með því að þetta "lýsi vantrausti á foreldra" eða eru Rússneskir stjórnmálamenn bara með svo steikt skopskyn að jafnvel mér finnist þetta ekki fyndið?

 -G. Styrmir

Jólaveinninn er til í Rússlandi

Einu sinni er allt fyrst

Jújú, þetta sagðist ég víst aldrei nokkurntíman ætla að gera, þ.e.a.s. að stofna blogg og vera eins og allir hinir sem skrifa þúsundir orða um það eitt hvernig dagurinn þeirra var og hverja þeir hittu.  Og viti menn, það er ekki það sem ég er að fara að gera.  Ég er einfaldlega þreyttur á að hafa skoðanir á málum (og þess má geta að það eru oft skoðanir sem stríða á við almenningsálitið, enda er ég rebel) og geta bara kvartað í 3-4 manna hópum hér og þar.

 Fyrsta færslan mín skal vera tileinkuð dulspeki-áhugamálinu á hugi.is, sem var að taka það upp að ritskoða vegna þess að þau voru að verða sár yfir því að það var alltaf verið að segja þeim að það sem þau trúa á er bull.  Ég  er ekki mikið fyrir að dæma fólk (ath. þetta var lygi.  Get used to it), en ég bara kemst ekki hjá því að hafa óstjórnanlega löngun til að leiðrétta fólk þegar það er að spyrja að segja frá alveg hreint ótrúlegum hlutum sem þau gætu fengið mjög vísindalega útskýringu á með einni einfaldri leit á Wikipedia.  Ég mæli einmitt með að fólk fletti upp "Sleep Paralysis" (sem kallast svefnrofalömun á íslensku).

Það að ritskoða til þess að fólk fái alveg örugglega kolröng svör sem auka hlutfallslega fáfræði í heiminum er röng.  Reyndar er öll ritskoðun röng, en það er annað mál.

 Don't be stupid.  Be informed. 

-G. Styrmir